ငြိမ်းချမ်းရေးလုပ်ငန်စဉ်များရှေ့ ဆက်ဖို့  KNPP နှင့် ပြည်နယ်အစိုးရတွေ့ ဆုံမည်

Spread the love

ငြိမ်းချမ်းရေးလုပ်ငန်းစဉ်များကိုရှေ့ ဆက်နိုင်ဖို့  ကရင်နီအမျိုးသားတိုးတက်ရေးပါတီ (KNPP) နှင့် ကယားပြည်နယ်အစိုးရတို့ တွေ့ ဆုံဖို့ ညှိနှိုင်းမှုတွေပြုလုပ်နေကြောင်း KNPP ဗဟိုကော်မတီဝင် ခူးဒယ်နီယာယ်က KnIC သို့ ပြောသည်။

တွေ့ ဆုံပွဲဟာ ပြည်နယ်စိုးရတစ်ခုလုံးနှင့်တွေ့ ဆုံမှာဖြစ်ပြီး ဝန်ကြီးချုပ်အပါအဝင် လုံနယ်ဝန်ကြီးပါဝင်မည်ဟု ခူးဒယ်နီယာယ်မှပြောသည်။

“ ပြည်နယ်အစိုးရတစ်ခုလုံးနဲ့ တွေ့ ဖို့ ကျနော်တို့ ပြောထားပါတယ်။ ဘယ်အချိန်ဖြစ်မလဲဆိုတာတော့မသိရသေးဘူးဟု” ဆိုသည်။
NRPC နှင့်တွေ့ ဆုံဖို့ အတွက် KNPP ဘက်မှ ပြီးခဲ့သည်စက်တင်ဘာလထဲက ပြောဆိုထားသော်လည်း NRPC ဘက်မှ အကြောင်းပြန်တာမျိုး မရှိသေးဟု ခူးဒယ်နီယာယ် ကဆက်ပြောသည်။

“NRPC နဲ့ တွေ့ ဖို့ က ပြီးခဲ့တဲ့လ မှာ ပြောထားပါတယ်၊ သူတို့ ဘက်က ဘာမှအကြောင်းမပြန်သေးတော့ လောလောဆယ်တွေ့ ဖို့ ကမရှိသေးပါဘူး “ ဟုပြောသည်။

ပြည်နယ်အစိုးရအဖွဲ့ နှင့်တွေ့ ဆုံဆွေးနွေးဖြစ်မည်ဆိုပါက ပြည်နယ်တည်ငြိမ်အေးချမ်းရေးကို ဆက်လက်ထိန်သိမ်းဖို့ ဆွေးနွေးသွားမှာဖြစ်ပြီး အခြားသောအထွေထွေဆွေးနွေးချက်များလည်း ပါဝင်မည်ဟုသိရသည်။

ကရင်နီအမျိုးသားတိုးတက်ရေးပါတီ KNPP အနေဖြင့် NPRC နှင့် နှစ်ကြိမ်တိုင်တိုင် နှစ်ဦးနှစ်ဘက်သဘောတူစာချုပ် Bilateral Agreement ကို လက်မှတ်ရေးထိုးထားပြီး NCAကို လက်မှတ်ရေးထိုးထားခြင်းမရှိသေးကြောင်းသိရသည်။ Bilateral Agreement သဘောတူစာချုပ်အရ KNPP နှင့် ပြည်နယ်အစိုးရမှ တာဝန်ရှိသူများနှင့် တစ်လတစ်ကြိမ်တွေ့ ဆုံဆွေးနွေးမှုများရှိကြောင်းလဲသိရသည်။

Leave a Reply

Your email address will not be published. Required fields are marked *