မြန်မာ့ငြိမ်းချမ်းရေးနှင့် ကရင်နီအမျိုးသားတိုးတက်ရေးပါတီနှင့် တစ်နိုင်ငံလုံးအပစ်အခတ်ရပ်စဲရေး

Spread the love

၂၀၁၀-ပြည့်နှစ်၌ မြန်မာနိုင်ငံတွင် တချိုးကွေ့အပြောင်းအလဲအဖြစ် ဦးသိန်းစိန်ဦးဆောင်သည့် တ၀က်တပျက်ရွေးကောက်ခံအရပ်သားအစိုးရတက်လာသည်၊ ဦးသိန်းစိန်အစိုးရတက်လာပြီးသည်နှင့် ပြည်တွင်းငြိမ်းချမ်းမှုတည်ဆောက်ရေးကို ဦးစာပေးဆောင်ရွက်လာပြီး ကရင်နီအမျိုးသားတိုးတက်ရေး ပါတီသို့ အပစ်အခတ်ရပ်စဲရေးလက်မှတ်ရေးထိုးရန် စေ့စပ်ညှိနှိုင်းမှုများ ၂၀၁၁-ခုနှစ်နှောင်းပိုင်းတွင် စတင်လာသည်။

မြန်မာအစိုးရနှင့် အပစ်အခတ်ရပ်စဲရေးလက်မှတ်ရေးထိုးရခြင်းနှင့်ပါတ်သက်၍ KNPP တွင် အကြောင်း ၃ ရပ်ရှိသည် –

၁) ပြည်နယ်အတွင်းလက်နက်ကိုင်ပဋိပက္ခကို အဆုံးသတ်ရန်၊

၂) ပြည်သူလူထု ဘ၀ငြိမ်းချမ်းသာယာရေးနှင့် ဖွံ့ဖြိုးတိုးတက်ရေးကိုဖော်ဆောင်ရန်ရန်၊

၃) ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဌာန်းခွင့်တို့ကို အပြည့်အ၀အာမခံ  သည့် ဖက်ဒရယ်ဒီမိုကရေစီပြည်ထောင်စုတည်ဆောက်ရေးကို နိုင်ငံရေးဆွေးနွေးပွဲများမှ  တဆင့် ပါဝင်ဆွေးနွေးဆောင်ရွက်ခွင့်ရရန်။

ဟူသည့် အချက် (၃) ချက်ဖြစ်သည်။

၂၀၁၃ မှသည် ၂၀၁၅-ခု၊ အောက်တိုဘာလမတိုင်မှီကာလများတွင် ငြိမ်းချမ်ရေးဆိုင်ရာဖြစ် စဉ်များသည် အရှိန်အဟုန်ကောင်းကောင်းနှင့်ဖြစ်ပျက်ခဲ့သည်။

အထူးသဖြင့် ၂၀၁၃ မှစတင်ခဲ့သည့် တနိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်ညှိနှိုင်းဆွေးနွေးပွဲများ၊ အဆိုပါစာချုပ်ညှိနှိုင်း  မှုနှင့်ဆက်စပ်သည့် အစည်းအဝေးများ၊ ညီလာခံများတို့သည် တပြည်လုံးရှိပြည်သူလူထုက စိတ်ဝင် တစားစောင့်ကြည့်ရသည့်ကိစ္စရပ်များဖြစ်လာသည်။ 

ထိုမှတဆင့် စာချုပ်ညှိနှိုင်းမှုအပြီးသတ်လက် မှတ်ထိုးပွဲ၊ ထိုမှတဆင့် တနိုင်ငံလုံးအပစ်အခတ်ရပ်စဲရေးစာချုပ်လက်မှတ်ရေးထိုးပွဲကို ၂၀၁၅-ခုနှစ်၊ ရွေးကောက်ပွဲမစမှီ တစ်လအလို ၂၀၁၅-ခုနှစ်၊ အောက်တိုဘာလ (၁၅) ရက်နေ့တွင် ကျင်းပခဲ့ပြီး ကရင်အမျိုးသားအစည်းအရုံး KNU နှင့် ရှမ်းပြည်ပြန်လည်ထူထောင်ရေးကောင်စီ RCSS တို့ ဦးဆောင်၍ တိုင်းရင်းသားလက်နက်ကိုင် (၈) ဖွဲ့လက်မှတ်ရေးထိုးခဲ့သည့် တစ်နိုင်ငံလုံးပစ်ခတ်တိုက် ခိုက်မှုရပ်စဲရေးစာချုပ် (NCA) လက်မှတ်ရေးထိုးပွဲဖြစ်ပေါ်လာခဲ့သည်။

အဆိုပါ NCA လက်မှတ် ရေး ထိုးပွဲနောက်ပိုင်းတွင် စာချုပ်ပါနောက်ဆက်တွဲလုပ်ငန်းစဉ်များဖြစ်သည့် နိုင်ငံရေးဆွေးနွေးပွဲ ဖြစ်စဉ် များ၊ အမျိုးသားအဆင့်နိုင်ငံရေးဆွေးနွေးပွဲများ စသည်ဖြင့် အရှိန်အဟုန်ကောင်းကောင်းနှင့် ကျော် ဖြတ်သွားခဲ့သည့် မြန်မာနိုင်ငံ၏ ငြိမ်းချမ်းရေးတည်ဆောက်မှုဖြစ်စဉ်များသည်၊ ၂၀၁၇ နှင့် ၂၀၁၈ ခုနှစ်များတွင် တဖြည်းဖြည်း အရှိန်လျှော့ကျလာပြီး တတိယအကြိမ် ပြည်ထောင်စုငြိမ်းချမ်းရေး ညီလာခံ (၂၁ ရာစုပင်လုံ) အပြီးတွင် ကရင်အမျိုးသားအစည်းအရုံး (KNU) က ငြိမ်းချမ်းရေးဖြစ်စဉ် များနှင့်ပါတ်သက်သည့် အစည်းအဝေးများအား ပူးပေါင်းပါဝင်မှုရပ်ဆိုင်းရန် ကြေညာချက်နှင့် ရှမ်းပြည် ပြန်လည်ထူထောင်ရေးကောင်စီဘက်မှလည်း ပြန်လည်သုံးသပ်နေသော အခြေအနေများအပေါ် တဖြည်းဖြည်းဆုတ်ယုတ်ကျဆင်းလာခဲ့သည်။

 ရှမ်းပြည်မြောက်ပိုင်း၊ ကချင်ပြည်နယ်နှင့် ရခိုင်ပြည်နယ် တို့တွင် တပ်မတော်နှင့်တိုင်းရင်းသားလက်နက်ကိုင်တပ်ဖွဲ့များ တိုက်ပွဲအပြင်းအထန်ဖြစ်ပွားခဲ့ပြီး၊ အဘက်ဘက်မှယိုယွင်းလာသောအခြေအနေများကြောင့် အစိုးရမှ ငြိမ်းချမ်းရေးဖြစ်စဉ်များကို ပြန် လည်အသက်သွင်းရန် မြောက်ပိုင်း ၄ ဖွဲ့ဖြစ်သည့် KIA, TNLA, SSPP နှင့် AA တို့ကို အပစ် အခတ်ရပ်စဲရေးလက်မှတ်ရေးထိုးရေးအတွက် ပြန်လည်ညှိနှိုင်းဆွေးနွေးနေရပြီး ငြိမ်းချမ်းရေးဖြစ်စဉ် ကိုအထောက်အကူပြုရန်ဟုဆိုကာ တပ်မတော်က ၂၀၁၈-ခုနှစ်၊ ဒီဇင်ဘာလ (၂၁) ရက်နေ့တွင် ၂၀၁၉-ခုနှစ်၊ ပထမ (၄)လ အတွက် စစ်တိုင်းကြီး ၅ တိုင်းတွင် တဘက်သတ်အပစ်အခတ်ရပ်စဲ ရေးကိုကြေညာခဲ့သည်။ 

သို့သော် ရခိုင်ပြည်နယ် ပါဝင်သည့် အနောက်ပိုင်းတိုင်းမပါသည့် အတွက် ချင်းပြည်နယ်၊ ပလက်ဝ မြို့နယ်နှင့်ရခိုင်ပြည်နယ်တို့တွင် တပ်မတော်နှင့် AA တို့အကြားတိုက်ပွဲများ အပြင်းအထန်ဆက်လက်ဖြစ်ပွားခဲ့သည်။ 

အဆိုပါ အပစ်ရပ်ကာလအတွင်း ငြိမ်းချမ်းရေးနှင့်ပါတ်သက်၍ မြည်သည့်ဖြစ်ပေါ်တိုးတက်မှုကိုမျှ မဆောင်ရွက်နိုင်သည့်အတွက် တပ်မတော်မှ စစ်တိုင်း ၅ တိုင်း အပစ်ရပ်သက်တမ်းကို နောက်ထပ် ၂ လအဖြစ် ဇွန်လအထိထပ်တိုးပေးခဲပြီး၊ ယခုနှစ်ဇွန်လ (၃) ရက် နေ့တွင် နောက်ထပ်အပစ်ရပ်သက်တမ်းကို ၂ လ ထပ်တိုးကြောင်းကြေညာခဲ့သည်။

 သို့သော် ဤသို့တပ်မတော်က တဘက်သတ်အပစ်ရပ်ကြေညာရုံမျှနှင့် အစိုးရ၏ အင်တိုက်အားတိုက်မရှိသည့် ငြိမ်းချမ်းရေးအပေါ်ပြန်လည်စေ့စပ်ရေးကြိုးပမ်းမှုများသည် ငြိမ်းချမ်းရေးနှင့်ပါတ်သက်၍ အနှစ်သာရရှိ သည့် ဖြစ်ပေါ်တိုးတက်မှုကို မတွေ့ရဘဲ အဘက်ဘက်ကယို ယွင်းကျဆင်းနေဆဲဖြစ်ပြီး တနိုင်ငံလုံး  အပစ်အခတ်ရပ်စဲရေးစာချုပ်အကောင်အထည်ဖော်မှုဖြစ်စဉ် မအောင်မြင်သည်ကို တွေ့မြင်နေရသည်။ 

အဘယ်ကြောင့်နည်း…

အရင်းစစ်လိုက်ပါလျှင် –

ငြိမ်းချမ်းရေးနဲ့ပါတ်သက်၍ စကတည်းက အဓိက တာဝန်ရှိသည့် အင်အားစုများ၏ ချဉ်းကပ် စဉ်းစားပုံကွာခြားခဲ့ခြင်းသည်အဓိကကျသည့် အကြောင်းတရားတစ်ရပ်ဖြစ်သည်။  ငြိမ်းချမ်းရေးဖြစ်စဉ် အပေါ် တိုင်းရင်းသားလက်နက်ကိုင်များက အပစ်အခတ်ရပ်စဲရေးလက်မှတ်ထိုး၊ မိမိတို့နယ်မြေများကို တည်ငြိမ်အောင်ထိန်းသိမ်း၊ နိုင်ငံရေးဆွေးနွေးပွဲအတွက် ပြင်ဆင်၊ လူထုဖွံ့ဖြိုးတိုးတက်ရေးတည် ဆောက်၊ နိုင်ငံရေးဆွေးနွေးပွဲရလာဒ်များမှတဆင့် တိုင်းပြည်ကို ဖက်ဒရယ်ဒီမိုကရေစီစနစ်ပြောင်းလဲ စသည်ဖြင့်ငြိမ်းချမ်းရေးဖြစ်စဉ်ကို တွေးတောပုံဖော်ချိန်တွင် –

တပ်မတော်နှင့်အစိုးရက တနိုင်ငံလုံးအပစ်ရပ်လက်မှတ်ထိုး (အမ်စီအေ)၊ အုပ်စု (၃) စုခွဲ၊

– နိုင်ငံရေးလုပ်လိုသူများ ပါတီထောင်၊ ရွေးကောက်ပွဲဝင်

– စီးပွားရေးလုပ်လိုသူများ ကုမ္ပဏီထောင်၊ စီးပွားရေးလုပ်

– လက်နက်ကိုင်လိုသူများ တပ်မတော်ထဲဝင် သို့မဟုတ် နယ်ခြားစောင့်တပ်လုပ် 

နိုင်ငံရေး လုပ်ချင်ရင် လက်နက်ကိုင်လမ်းစဉ်စွန့်လွတ်ဟူ၍ လေသံပြစ်လာသည်။ 

သို့ဖြစ်၍ တနိုင်ငံလုံးအပစ်အခတ်ရပ်စဲရေးစာချုပ် NCA ကို ပူးပေါင်းရေးသားကြချိန်တွင် –

တနိုင်ငံလုံးအပစ်အခတ်ရပ်စဲရေးသဘောတူစာချုပ်ကို 

တိုင်းရင်းသားအဖွဲ့များက နှလုံးသားနှင့် ရေး၍

အစိုးရက ဦးဏှောက်နဲ့ရေးပြီး

တပ်မတော်က လက်နဲ့ရေးခဲ့သည်။

အဘယ်ကြောင့်ဆိုသော် NCA ဖြစ်စဉ်မှ ရရှိလာမည့် ကာလတိုနောက်ဆက်တွဲရလာဒ်၊ အကျိုးအမြတ်ကိုစဉ်းစားသည့်နေရာတွင် စဉ်းစားပုံခြင်းမတူညီသောကြောင့်ဟုဆိုရမည်၊ ကာလတို အကျိုးအမြတ်အတွက် တိုင်းရင်းသားလက်နက်ကိုင်အဖွဲ့များက အမျိုးသားတန်းတူရေးနှင့် ကိုယ်ပိုင်ပြ ဌာန်းခွင့်ကို အဓိကစဉ်းစားချိန်တွင် အစိုးရက တည်ငြိမ်အေးချမ်းသည့်အခြေအနေအောက်တွင် ရရှိ လာမည့် နိုင်ငံတကာအကူအညီများ၊ စီးပွားရေးဖွံ့ဇြိုးတိုးတက်မှုနှင့် နိုင်ငံခြားရင်းနှီးမြုပ်နှံမှုကို စိတ်ကူး ယဉ်ပြီး၊ တပ်မတော်က ပြည်တွင်းလက်နက်ကိုင်ပဋိပက္ခချုပ်ငြိမ်းရေး (မည်သည့်နည်းနှင့်မဆို) ကို ဦး တည်သည်။

သို့ဖြစ်၍ စဉ်းစားမှုအပေါ်မူတည်ပြီး ငြိမ်းချမ်းရေးဖြစ်စဉ်တွင် အစုအဖွဲ့ (၃) ဖွဲ့ အကြား ငြိမ်းချမ်း ရေးဖြစ်စဉ်နှင့်ပါတ်သက်၍ နောက်ဆက်တွဲအကောင်အထည်ဖော်မှုပိုင်းတွင် သိသာစွာကွဲပြားခြားနား သွားသည်ကိုတွေ့ရမည်။ 

တိုင်းရင်းသားလက်နက်ကိုင်များသည် ငြိမ်းချမ်းရေးဖြစ်စဉ်အပေါ် နောက်ဆက်တွဲအကောင် အထည်ဖော်မှုနှင့်ပါတ်သက်၍

  • ငြိမ်းချမ်းရေးဖြစ်စဉ်ကို လူထုကိုချပြ၊ လူထုပူးပေါင်းပါဝင်မှုကိုဖိတ်ခေါ်၊
  • နိုင်ငံရေးဆွေးနွေးပွဲများတွင် လူထုသဘောထားများပါရှိစေရန် လူထုဆွေးနွေးပွဲများကျင်းပ၊ ထိုမှတဆင့် အမျိုးသားအဆင့်နိုင်ငံရေးဆွေးနွေးပွဲများကို ဦးဆောင်ကျင်းပသည်၊
  • တိုင်းရင်းသားလက်နက်ကိုင်အဖွဲ့များအကြား တူညီသည့် နိုင်ငံရေးအရေးဆိုမှုဆောင်ရွက်နိုင် ရန် အစည်းအဝေးများ၊ သင်တန်းများ၊ အလုပ်ရုံဆွေးနွေးပွဲအမျိုးမျိုးကျင်းပသည်၊ ကွန်ဖရင့်ကြီး များ၊ ညီလာခံကြီးများခေါ်ယူညှိနှိုင်းသည်၊
  • စေ့စပ်ညှိနှိုင်းရေးအတွက် ပြင်ဆင်သည်၊ အစိုးရ၊ တပ်မတော်တို့နှင့် အလွတ်သဘောတွေ့ဆုံ၊ အပြည်ပြည်ဆိုင်ရာပညာရှင်များနဲ့တိုင်ပင်ဖြင်း စသည့် လုပ်ငန်းများဆောင်ရွက်သည်။

တပ်မတော်ကမူ

– ကာချုပ်ရုံးမှ တပ်မတော်၏ အခြေခံမူ (၆) ချက်ထုတ်ပြန်သည်၊

– တိုင်းရင်းသားဒေသများတွင် တိုင်ပင်ညှိနှိုင်းမှုမရှိဘဲ လမ်းတံတားများတည်ဆောက်သည်၊

– တပ်နေရာတိုးချဲ့၊ တပ်စခန်းတွေခိုင်မာတည်ဆောက်သည်၊

– ပဏာမအပစ်အခတ်ရပ်စဲရေးစာချုပ်ပါ သဘောတူညီချက်များကို လေးစားလိုက်နာရန်ပျက် 

  ကွက်သည်၊

– လူထုမြေတွေကိုသိမ်း၍ တပ်ပိုင်မြေဆိုင်းဘုတ်လိုက်စိုက်ထူသည်၊

– ငြိမ်းချမ်းရေးသဘောတူညီချက်များနှင့်ပါတ်သက်၍ အောက်ခြေအဆင့်များကို ရှင်းလင်း  အောင် ချပြခြင်းမရှိ၊

– တိုင်းရင်းသားလက်နက်ကိုင်အဖွဲ့များကို အစည်းအဝေးများ၌တွေ့ဆုံစဉ် ဆက်ဆွဲနုတ်ဆက်  ပြီး နောက်ကွယ်မှာ သောင်းကျန်းသူဟုခေါ်ဝေါ်သမုတ်သည်၊

– နိုင်ငံရေးဆွေးနွေးပွဲများတွင် ဒေါင်လိုက်ဆန်သော ပါဝင်မှုမျိုးဖြင့်ပါဝင်ပြီး ကန့်သတ်မှု များ  ပြုလုပ်သည်။

အစိုးရ၏အခြေအနေကိုကြည့်ရာတွင် –

– ငြိမ်းချမ်းရေးတည်ဆောက်မှုနှင့် ပါတ်သက်ပြီး ရှေ့မမီနောက်မမီဖြစ်နေသည်၊ 

– လက်ရှိအစိုးရသည် ပြီးခဲ့တဲ့အစိုးရနှင့်တိုင်းရင်းသားလက်နက်ကိုင်အဖွဲ့များ ချုပ်ဆိုခဲ့သည့် သဘောတူညီချက်များကို မိမိတို့နှင့်မဆိုင်သလိုသဘောထားသည်။

–  လူထုအစိုးရဖြစ်သောကြောင့် တရားဝင်မှုကိုပုံကြီးချဲ့ကာ တိုင်းရင်းသားလက်နက်ကိုင်များ နှင့် ဆက်ဆံမှုအခန်းကဏ္ဍကို လျှော့ချသည်။ 

– လက်ရှိမြေပြင်၏ပကတိအခြေအနေ၊ တိုင်းရင်းသားဒေသအခြေအနေနှင့် ဓလေ့ထုံးတမ်း စဉ်လာများနှင့် လိုက်လျောညီထွေမှု ရှိ၊ မရှိ မညှိနှိုင်းဘဲ အလုပ်ဖြစ်ရင်ပြီးရောဟုယူဆ၍ ဥပဒေပြု သည်၊

– တပ်မတော်က နိုင်ငံတော်သမတညွှန်ကြားပါက စစ်ပွဲများရပ်ပေးရန်ရှိသည် ပြောပါလျှက် 

  ရခိုင်မှာ AA ကိုထိထိရောက်ရောက်ချေမှုန်းရန်ညွှန်ကြားသည်။

– တိုင်းရင်းသားအရေး၊ တိုင်းရင်းသားတို့၏ သမိုင်းကြောင်းဆိုင်ရာကိစ္စရပ်များကို အသိအမှတ် ပြုရန်ပျက်ကွက်သည်။

– ဖက်ဒရယ်ပြည်ထောင်စုတည်ဆောက်မည်ကို နှုတ်ကဖွင့်ပြောနေသော်လည်း ဗဟိုချုပ်ကို လျှော့ချရန်ပျက်ကွက်နေဆဲဖြစ်သည်။

ဤလုပ်ရပ်များသည်ဖော်ပြပါ နောက်ဆက်တွဲဖြစ်စဉ်များကိုဆောင်ကျဉ်းလာသည်။ 

အားလုံးသိပြီးဖြစ်သည့်အတိုင်း NCA ဖြစ်စဉ်ကြီးရပ်သွားသည်။ လက်မှတ်ထိုး ၁၀ ဖွဲ့အနက် အဖွဲ့ကြီး ၂ ဖွဲ့ဖြစ်သည့် KNU နဲ့ RCSS က NCA ကအလုပ်မဖြစ်ဘူးဟု ထုတ်ဖော်ပြောဆိုခဲ့သည်။

တဖက်တွင် FPNCC မြောက်ပိုင်းမဟာမိတ်အဖွဲ့ကလည်း NCA လမ်းကြောင်းနှင့် မသွားနိုင်ဟု အတိအ လင်းကြေညာခဲ့ပြီး ၎င်းတို့အဆိုပြုသည့် လမ်းကြောင်းကို အစိုးရထံတရားဝင်စာပို့အကြောင်းကြားခဲ့ သည်။ သို့သော်အစိုးရကလက်မခံသည့်အပြင် FPNCC အနေဖြင့် တွေ့ဆုံဆွေးနွေးခြင်းထက် ယခုအခါ ၀ နှင့် မိုင်းလားတို့ကို သီးခြားဆွေးနွေး၍ မြောက်ပိုင်း ၄ ဖွဲ့ကို သီးခြားဆွေးနွေးသည့် ဖြစ်စဉ်များ ဖြစ်ပေါ်နေသည်။

အစိုးရအနေဖြင့် AA ပါဝင်သည့်မြောက်ပိုင်း ၄ ဖွဲ့ကို အပစ်အခတ်ရပ်စဲရေးအတွက် တွေ့ဆုံ ဆွေးနွေးရန်ဖိတ်ခေါ်နေသော်လည်း စစ်တပ်၏ ရခိုင်ပြည်နယ်စစ်ဆင်ရေးတွင် ရခိုင်လူထုအပေါ်ကိုင် တွယ်ပုံများနှင့် စစ်တပ်လက်အောက်ခံ ပြည်ထဲရေးဌာနအောက်မှ ရဲတပ်ဖွဲ့က AA ထိပ်တန်းခေါင်း ဆောင် ၄ ဦးအား အကြမ်းဖက်ဥပဒေပုဒ်မ-၅၂(က) နဲ့တရားစွဲပြီး တရားခံပြေးအဖြစ်ကြေညာခဲ့ရာ၊ ပြည်ထောင်စုအစိုးရငြိမ်းချမ်းရေးဖော်ဆောင်မှုလုပ်ငန်းစဉ်ကို ရဲတပ်ဖွဲ့က နှောင့်ယှက်ဖျက်ဆီးရာ ရောက်သည်၊ သို့တည်းမဟုတ်ပါမူ ရဲတပ်ဖွဲ့၏ အဆင့်ဆင့်ကွပ်ကဲမှုဖြစ်စဉ်တွင် တပ်မတော်ကရှိသဖြင့် တပ်မတော်ကပါ AA ပါဝင်သည့် မြောက်ပိုင်း ၄ ဖွဲ့နှင့် အစိုးရတို့၏ အပစ်အခတ်ရပ်စဲရေးတွေ့ဆုံဆွေး နွေးမှုဖြစ်စဉ်ကို တားဆီးပိတ်ပင်ရာရောက်ပါသည်။

ယခုအချိန်တွင် အစိုးရက မြောက်ပိုင်းမဟာမိတ် ၄ ဖွဲ့ KIA, SSPP, TNLA, AA တို့နှင့် အပစ် အခတ်ရပ်စဲရေး လက်မှတ်ရေးထိုးရေးအတွက် တွေ့ဆုံညှိနှိုင်းရန် စီစဉ်နေသည်မှာကြာပြီဖြစ်သော် လည်းတွေ့ဆုံမှုယခုချိန်ထိမဖြစ်မြှောက်သေးပေ၊ မဟာမိတ် ၄ ဖွဲ့ ဘက်က လုံခြုံရေး အကြောင်းပြ သည်ဟုဆိုသော်လည်း တဖက်တွင် တပ်မတော်၏ ရှေ့နောက်မညီသည့် ပြောဆိုမှုများက လက်တွေ့ မဆန်သည့်အတွက် အဆိုပါသဘောထားရပ်တည်ချက်များကိုဖြေလျှော့မှု မလုပ်မချင်း ဆွေးနွေးပွဲများ အောင်မြင်မည့်အလားအလာ မမြင်ပေ။

တဘက်တွင် ရပ်ဆိုင်းနေသည့် ငြိမ်းချမ်းရေးဖြစ်စဉ်ကို ပြန်အသက်သွင်းရန် အစိုးရနှင့် PPST နှစ်ဘက်လုံးက ကြိုးစားနေသည်ကိုတွေ့မြင်ရသော်လည်း အစိုးရဘက်တွင်းလည်း အင်အားချိနဲ့နေပြီး တိုင်းရင်းသား PPST အဖွဲ့တွင်လည်း မညီကြပါ၊ KNU အဖွဲ့အနေဖြင့် လက်မှတ်မထိုးရသေးသည့် အဖွဲ့များဖြစ်သည့် KNPP, KIA, SSPP စသည့် အဖွဲ့များအား ငြိမ်းချမ်းရေးလုပ်ငန်းစဉ်တွင် ပြန်လည် လက်တွဲခေါ်၍ ပြည်ထောင်စုငြိမ်းချမ်းရေးဖြစ်စဉ်ကို ဆက်သွားလိုသော်လည်း ကျန် PPST အဖွဲ့ဝင် များက သဘောမတူပေ။

သို့ဖြစ်၍ ငြိမ်းချမ်းရေးဖြစ်စဉ်တခုလုံးပြန်ကြည့်လျှင် အခြေအနေသည် မတင်မကျဖြစ်နေပြီး အခြေအနေအရပ်အားလုံးကို ပြန်လည်ထိန်းညှိရန် အဓိကစွမ်းဆောင်နိုင်သူသည် တပ်မတော်ဖြစ်နေ သည်ကိုတွေ့ရမည်၊ အစိုးရကလည်း လုပ်ထုံးလုပ်နည်းပြုပြင်ရန်လိုအပ်သကဲ့သို့ တပ်မတော်က လည်း သဘောထားကြီးရန်လိုအပ်သည်၊ တပ်မတော်က သဘောထားကြီးကြီးမထားနိုင်သေးသရွေ့၊ ငါတို့လုပ်မှဖြစ်မှာ၊ ငါတို့ယူဆတာအမှန် ဟုတဘက်သတ် ယူဆနေသရွေ့ ငြိမ်းချမ်းရေးဖြစ်စဉ်နှင့်ပါတ် သက်၍ ဖြစ်ပေါ်တိုးတက်မှုရရှိရန်အကြောင်းမမြင်ပါ။

သို့ဆိုလျှင် NCA ဖြစ်စဉ်အပေါ် မည်သည့်ပြုပြင်ပြောင်းလဲမှုလုပ်ရန် လိုအပ်ပါသလည်း –

အထက်တွင်ဆိုခဲ့သကဲ့သို့ NCA ကို တိုင်းရင်းသားများက  နှလုံးသားနှင့်ရေးပြီး၊ တပ်မတော်က လက်နှင့်ရေး၍ အစိုးရက ဦးဏှောက်နှင့်ရေးသောကြောင့် အစိုးရနှင့် တပ်မတော်အတွက် NCA ကို ဘာသာပြန်ပေးရန်လိုပါသည်။

သဘောတူညီချက်ဟူသည် ဘက်တစ်ဘက်နှင့်တစ်ဘက်သာ ရှိရမည်ဖြစ်ပြီး NCA ၏ ၃ ပွင့်ဆိုင် သဘောတူညီချက်ဖြစ်နေမှုပုံသဏ္ဍာန်ကို ပြင်ဆင်ရပါမည်။

အစိုးရတစ်ရပ်နှင့်သာ တိုင်းရင်းသားလက်နက်ကိုင်များ လက်မှတ်ထိုးရပါမည်။

တိုင်းရင်းသားများက NCA အား မြန်မာ့ငြိမ်းချမ်းရေးကို ဆောင်ကျဉ်းနိုင်သည့်လှေကားထစ် အဖြစ်ရှုမြင်ချိန်တွင် တပ်မတော်က လက်နက်ကိုင်ပဋိပက္ခချုပ်ငြိမ်းရေးအတွက် အခွင့်အလမ်းတစ်ရပ် အဖြစ်ရှုမြင်ပြီး အစိုးရက အပြည်ပြည်ဆိုင်ရာရင်းနှီးမြုပ်နှံမှုများ၏ လမ်းစဟုရှုမြင်မှုများကို ပြန်လည် ညှိနှိုင်းရပါမည်။

နောင်တော်တစ်ဦး၏ စကားကိုငှားသုံးရပါမူ ဤ (၃) ဖွဲ့အကြားရင်ခုံသံခြင်းတူကြရန်လိုပါသည်။

NCA ရဲ့ရှေ့ခရီးအတွက် ပြန်လည်အစပျိုးရာတွင်လည်း အစိုးရက ဆင်သွားရင်လမ်းဖြစ်တယ် ဟူသည့်ပုံစံ၊ တပ်မတော်က တုတ်ယူမလား မုန့်ယူမလား ဟူသည့်ပုံစံများကို ပြင်ဆင်ပြီး တိုင်းရင်းသား များလိုလားသည့် တန်းတူရေးအာမခံမှုနှင့် လုပ်ထုံးလုပ်နည်းမွမ်းမံပြင်ဆင်ရေးကို အပြုသဘောဆောင် လက်ခံရန်လိုအပ်ပါသည်။ 

ဤအခြေအနေများကို ကြည့်၍ မြန်မာပြည်ငြိမ်းချမ်းရေးမတည်ဆောက်နိုင်ခြင်းနှင့် ပါတ်သက် ၍ ဘယ်သူကမှား၍ ဘယ်သူကမှန်သည်ကို ပြည်သူများကဆုံးဖြတ်ရန်သာဖြစ်ပါသည်။

အဆိုပါအခြေအနေတွင် KNPP အနေဖြင့် ဤရှုပ်ထွေးသော အခြေအနေများကြားမှ Bilateral ထိုးထားသည့် ပြည်နယ်သဘောတူညီချက်နှင့် ပြည်ထောင်စုသဘောတူညီချက်များကို ဆက်လက် စောင့်ထိန်း၍ ပြည်နယ်၏တည်ငြိမ်အေးချမ်းမှုကိုဖော်ဆောင်ပြီး NCAလိုအပ်ချက်များကို ပြည်ထောင်စု အစိုးရနှင့် ဆက်လက် ညှိနှိုင်းလျှက်ရှိပါသည်။

ဤသို့ညှိနှိုင်းနေချိန်တွင် ပြည်နယ်အစိုးရ၊ စစ်တပ်တို့နှင့် လစဉ်ပုံမှန်တွေဆုံမှုကို အကောင် အထည်ဖော်ကာ ပြည်နယ်အတွင်းပြဿနာများကို ကြိုးစားအဖြေရှာသွားမည်ဖြစ်ပြီး လူထုနှင့်ဒေသ ဖွံ့ဖြိုးမှုဆိုင်ရာလုပ်ငန်းများကို တဘက်တလှမ်းမှ လက်လှမ်းမီသလောက် အကာင်အထည်ဖော်သွားရန် နှင့် ငြိမ်းချမ်းရေးဖြစ်စဉ်နှင့်ပါတ်သက်၍ အမှန်တရားများကိုဖော်ထုတ်ခြင်းနှင့် လူထု၏အခန်းကဏ္ဍ ကိုမြှင့်တင်သွားရမည်ဖြစ်သည်။

ထို့အပြင် အခြားဘ၀တူတိုင်းရင်းသားအဖွဲ့များနှင့်ပူးပေါင်း၍ တိုင်းပြည်အတွက် အမှန်တကယ် လိုအပ်သည့် ဖက်ဒရယ်အခြေခံမူချမှတ်နိုင်ရေးလုပ်ငန်းများကို ဦးစားပေးဆောင်ရွက်သွားမည်ဖြစ်ပြီး ကရင်နီအမျိုးသားများ နိုင်ငံရေးဆိုင်ရာအခွင့်အရေးအာမခံချက်ရှိအောင် ပြည်နယ်ဖွဲ့စည်းပုံအခြေခံမူ ရေးဆွဲရေးဖြစ်စဉ်ကို ဖြစ်ပေါ်လာရေးအတွက် ဆက်လက်ကြိုးပမ်းဆောင်ရွက်သွားမည်ဖြစ်ပြီး နိုင်ငံရေး ဆွေးနွေးပွဲများတွင် လူထုအသံကိုယ်စားပြုနိုင်ရေးအတွက် နိုင်ငံရေးအသိပညာပေးရေး အစီအစဉ်များ ကို အကောင်အထည်ဖော်ဆောင်သွားရန်လိုအပ်မည်ဖြစ်ပါသည်။

(သောသီခို) ရေးသားသည်။

Photo –  KnIC 

Caption – ၂၀၁၂ခုနှစ်၊ မတ်လ (၇)ရက်နေ့တွင် ကရင်နီအမျိုးသားတိုးတက်ရေးပါတီ KNPP နှင့် ဦးသိန်းစိန်ဦးဆောင်သည့် မြန်မာအစိုးရအကြား ပြည်နယ်အဆင့် အပစ်ခတ်ရပ်စဲရေး သဘောတူလက်မှတ်ရေးထိုးခဲ့ကြသည့်။ 

Leave a Reply

Your email address will not be published. Required fields are marked *