ကရင်နီပြည်သူများကန့်ကွက်နေသည့် ဗိုလ်ချုပ်ကြေးရုပ်ထု လွိုင်ကော်ရောက်ပြီ

Spread the love

ကရင်နီပြည် (ကယား) လွိုင်ကော်မြို့ရှိ ကန္ဒာဟေဝန်ပန်းခြံတွင်ထားရှိမည့် ဗိုလ်ချုပ်အောင်ဆန်း ကြေးရုပ်ထု ယနေ့ လွိုင်ကော်မြို့သို့ ရောက်ရှိလာပြီဖြစ်ကြောင်းသိရသည်။

ဗိုလ်ချုပ်အောင်ဆန်းကြေးရုပ်ထုကိုထားရှိဖို့ ပြည်နယ်ဝန်ကြီးချုပ်မှဦးဆောင်ပြီး ပြည်နယ်ရံပုံငွေဖြင့် ထုလုပ်ခဲ့ခြင်းဖြစ်သည်ဟု ကယားပြည်နယ် အစိုးရမှပြောဆိုခဲ့သည်။

ကြေးရုပ်ထုထားရှိမည့်ကိစ္စကို ကရင်နီပြည် ဒေသခံနှင့် လူငယ်ထုမှ ကန့်ကွက်ဆန္ဒပြခဲ့သောကြောင့် ကြေးရုပ်ထုထားရှိမည့်ကိစ္စကို အစိုးရမှ ပရဟိတ အသင်းများဆီသို့လွှဲအပ်မည်ဟု ပြည်နယ်တာဝန်ရှိသူများမှ ပြောကြားခဲ့သည်။

ကြေးရုပ်ထုထားမည့်ကိစ္စနှင့်ပတ်သက်၍ ပြည်နယ်အစိုးရ၊ တိုင်းရင်းသားခေါင်းဆောင်၊ ကရင်နီလူငယ်ထုများတွေ့ဆုံခဲ့ကြပြီး နောက်နောင် ပြည်နယ်အတွင်း ဆန္ဒပြမှုများလုပ်ပါက ဆန္ဒပြသူများကို ကိုင်တွယ်ဖို့ တပ်မတော်ကို အမိန့်ပေးရမည်ဟု ဝန်ကြီးချုပ် အယ်လ်ဖောင်းရှိုမှ ပြောကြားခဲ့သေးသည်။

ကန့်ကွက်သည့် ကရင်နီလူငယ်ထုများအနေဖြင့် ဗိုလ်ချုပ်အောင်ဆန်းကို မလေးစား၍ ကန့်ကွက်နေခြင်းမဟုတ်ဘဲ ကရင်နီပြည်၏ နိုင်ငံရေး အနေအထားအရ ကြေးရုပ်ထုထားရှိဖို့ အချိန်မတန်သေးသလို၊ ဗိုလ်ချုပ်အောင်ဆန်း၏ ပင်လုံစာချုပ်ပါ ကတိကဝတ်ကို ဦးစွာ အကောင်အထည်ဖော်ဖို့ လိုလားခြင်းဖြစ်သည်ဟု ပြောကြားခဲ့သည်။

ဗိုလ်ချုပ်ကြေးရုပ် လွိုင်ကော်တွင်မထားရှိရန် ဆန္ဒပြဦးဆောင်သူ လူငယ် ၂၀ကျော်မှာ ပုဒ်မ ၅၀၅ (ခ)၊ ပုဒ်မ ၁၉ တို့ဖြင့် တရားရင်ဆိုင်နေရဆဲ ဖြစ်ကြောင်း သိရသည်။

Photos – PKPF

Leave a Reply

Your email address will not be published. Required fields are marked *